ЖЕРГИЛИКТҮҮ КООМДОШТУКТУН ӨКҮЛЧҮЛҮКТҮҮ ЖЫЙЫНЫ

Бүгүн, 1-ноябрь Кара-Көл шаарында жергиликтүү коомдоштуктун жыйыны болуп өттү.

Жыйынга шаардык кеңештин төрагасы Чынгыз Кимсанов, шаардык кеңештин депутаттары катышты.

Алгач, төрага Элдик Курултай тууралуу жана ага шаардан бара турган 2 делегатты шайлоо тартиби боюнча түшүндүрүп берди.

Жергиликтүү коомдоштуктун жыйынына шаардын шайлоо аймактарынан шайланып келген 58 делегат катышты. Алар сунушталган 6 талапкерге добуш беришти. Көпчүлүк добушка Эгембердиев Эркинбек жана Бабаканова Назгүл ээ болуп, IV Элдик Курултайга өкүл болуп шайланышты.

Ал эми резервдеги өкүл катары Калпакбаев Мирлан менен Женалиева Ратбү тизмеге алынды.

Ошондой эле элдик курултайга шаар ичиндеги мамлекеттик деңгээлде чечилүүчү көйгөйлүү маселелер талкууланып, ал маселелерди делегаттарга курултайда айтып чыгуу тапшырмасы берилди.