УРМАТТУУ ШААРДЫКТАР! ЖАЛПЫ КҮНҮМДҮК ТИРИЧИЛИК КАЛДЫКТАРЫН АТАЙЫН ТАШТАНДЫ ТАШТООЧУ ЖАЙЛАРГА ЖАНА ЧЕЛЕКТЕРГЕ ТАШТАГЫЛА! 🍁 ЖАЛБЫРАКТЫ ӨРТТӨБӨГҮЛӨ... ТҮТҮН АРКЫЛУУ ЗЫЯНДУУ ЗАТ БӨЛҮНҮП ЧЫГАТ.

Кеч күздө жалбырактар түшүп, бут алдыңда шуудурайт. Бул болсо жаратылыштын мезгил алмашкандагы бир касиетидир.

Ал эми жерге түшкөн жалбырактар өрттөлүп, алардын түтүнү бүтүндөй шаарды, айылды каптап калганын эч кимибиз тана албасак керек. Түтүн ого бетер абага зыяндуу заттарын чыгарат.

Ошентсе да шуудураган жалбырактарды өрттөгөнгө шашабыз.

Эмне үчүн жалбырактарды өрттөгөнгө болбойт жана аларды эмне кылуу керек?

Түшкөн жалбырактарды өрттөө – адам өмүрүнө өтө зыяндуу. Күз айларында көмүр кычкыл газын жана ар кандай заттарды, түтүн-ышты өзүнө сиңирет. Мындай заттарды сиңирип алган жалбырактын түтүнү абаны булгап, экологияга олуттуу таасир тийгизиши мүмкүндүгүн жана анын түтүнү адамдарда рак ооруларын алып келерин дүйнө окумуштуулары айтып келет. Демек, биз жалбырактардын түтүнү аркылуу зыяндуу заттарды дем алып жатабыз.

Андыктан жалбырактарды өрттөгөнгө шашпай, топуракка көмүп коюу туура. Жаз алды менен чириндиге айланып, өсүмдүктөргө пайдалуу азык болмок.

Ал эми таштандыларды, жалбыракты өрттөгөн жарандарга жергиликтүү бийлик тарабынан айып пул салынарын эске салабыз.