ШААРДАГЫ ЭТ, КӨМҮРДҮН БААЛАРЫ ТЕКШЕРИЛДИ

6-декабрь күнү Кара-Көл шаарынын мэри Нуртилек Орозбаевдин тапшырмасына ылайык, шаардагы эткана, көмүр сатуучу жайларда бааларды негизсиз көтөрүүнүн алдын алуу боюнча рейд өткөрүлдү.

Рейдге мэрдин орун басары Манас Абдыкалыков, Мамлекеттик антимонополия кызматынын Жалал-Абад облусундагы бөлүмүнөн Канжар Эрмеков, ички иштер бөлүмү, муниципалдык менчик башкармалыгы, шаардык санитардык-эпидемиологиялык жана ветеринардык кызмат өкүлдөрү катышты.

Алар этканалардагы жана көмүр сатуучу жайларындагы бааларды текшерип, ишкерлерге негизсиз бааны жогорулатпоонун талаптарын түшүндүрдү.

Эт сатуу боюнча:

Уй этинин баасы — 680 сомдон ашпоого тийиш

Кой этинин баасы — 700 сомдон ашпоого тийиш

Бүгүнкү күндө шаарда 1 кг уй эти 680 сом, кой эти 700 сомго чейин сатылып жатат.