КАРА-КӨЛ ШААРЫ 3- ОРУНДУ ЭЭЛЕДИ

Кыргыз Республикасынын Министрлер кабинетинин токтомуна ылайык маданият, маалымат, спорт жана жаштар саясаты министрлиги өткөргөн " Балдарга жана жаштарга ыңгайлуу шаар" сынагынан Кара-Көл шаары 3- орунду ээлеп, 1 млн. сом сыйлыкка ээ болду.

Аталган сынакка өлкө боюнча 31 шаар катышты. Жеңүүчүлөргө сыйлык тапшыруу аземи 10- ноябрь күнү Бишкек шаарында "Кыялымдагы Кыргызстан " улуттук жаштар форумунда Президент Садыр Жапаровдун катышуусунда болуп өттү.

Сыйлыкты шаар мэри Нуртилек Орозбаевге Мамлекеттик катчы Марат Иманкулов салтанаттуу тапшырды.

Бул сынакта 1- орунду Манас шаары, экинчини Нарын шаары, үчүнчү орунду Кара-Көл шаары ээледи.