БАЛДАРГА, ЖАШТАРГА ЫҢГАЙЛУУ ШААР

13- ноябрь күнү Кара-Көл шаарында “Жаштар — ынтымактын булагы” аттуу иш-чара болуп өттү. Бул иш-чара 10 — Бүткүл Дүйнөлүк Жаштар күнүнө карата уюшулуп, ага шаар мэри Нуртилек Орозбаев, шаардык кеңештин төрагасы Чынгыз Кимсанов катышты.

Аталган иш-чаранын алкагында шаар аймагындагы 6 жалпы билим берүү мектебинин окуучуларынан, жогорку жана орто кесиптик окуу жайларынын студенттеринин ортосунда сынак өткөрүлдү.

Сынакка ар бир окуу жай, орто мектептен Кыргызстан, Казакстан, Өзбекстан, Кытай, Түрк, Оруссия, Испания, Япония деп аталган командалар катышып, жогоруда аталган мамлекеттердин салтын, маданиятын жана улуттар аралык ынтымакты, биримдикти даңазалаган театралдаштырылган үзүндүлөрдү аткарышып, ар бир улуттун өзүнө таандык улуттук жана саркеч кийимдерди кийип чыгуу тапшырмалары аткарылды.

Жыйынтыгында:

• 1-орун — Д. Шопоков атындагы №4 мектеп;

• 2-орун — М. Фрунзе атындагы №3 мектеп;

• 3-орун — Ч. Түлебердиев атындагы №2 мектеп ээ болушту.

Жеңүүчүлөр атайын сыйлыктар жана грамоталар менен сыйланышты.