АЗЫК-ТҮЛҮК КООПСУЗДУГУ ЖӨНГӨ САЛЫНДЫ.

15- ноябрь Кара-Көл шаарынын мэри Нуртилек Орозбаевдин тапшырмасы менен азык-түлүк коопсуздугун жөнгө салуу боюнча рейд өткөрүлдү.

Аталган рейдге мэрдин орун басары Манас Абдыкалыков, салык кызматынан, ички иштер бөлүмүнөн, шаардык муниципалдык менчик башкармалыгынан өкүлдөр катышты. Алар ишемби күнкү чоң базарга барып соодагерлер менен баарлашып, азык-түлүктүн бааларынан кабар алып, күнүмдүк тиричилике эң керектүү азык-түлүктүн бааларын көтөрбөө боюнча түшүндүрүү иштерин жүргүзүштү.

Ошондой эле мэрдин орун басары муниципалдык менчик башкармалыгынын кызматкерине азык-түлүктү арзан саткан соодагерлерди базардан эл көп өтүүчү жерлерге жылдыруу тапшырмасын берди.

Мындан сырткары шаардагы эткана, көмүр сатуучу жайлар дагы текшерилди.

Эт сатуучуларга уй этинин баасы 680 сомдон жана кой этин 700 сомдон ашырбоо тапшырмасы берилди.