3,5 ЧАКЫРЫМ ЖОЛГО ЖАҢЫ АСФАЛЬТ ТӨШӨЛҮП БҮТТҮ

Бүгүн, 5-ноябрь Кара-Көл шаарында Ы. Курманалиев көчөсүнүн ачылышы болуп, ага КРнын Президентинин Жалал-Абад облусундагы ыйгарым укуктуу өкүлү Тилек Текебаев, шаар мэри Нуртилек Орозбаев, мекеме-ишканалардын жетекчилери, тургундар катышты.

Облус жетекчиси жаңы жасалып бүткөн жолдор менен таанышып чыкты.

Шаар башчысы Нуртилек Орозбаевдин айтуусунда шаардын жалпы ички жолдору 23 чакырымга жакын аралыкты түзөт. "Анын 8 чакырымынын абалы канааттандырарлык. Биздин шаардын бюджети аз болгондуктан, шаардын көчөлөрүн оңдоп- түздөө боюнча КРнын транспорт министрлигине кат жөнөтүп кайрылганбыз. Транспорт министри Сыргабаев Абдысатар Токтогуловичтин колдоосу менен республикалык бюджетен акча каражаты бөлүнүп, шаардын ички жолдорун оңдоо иштери сентябрь айынын аягында башталып, учурда 3,5 чакырым жол жасалып бүттү. Тактап айтканда З.Серый, Белазовка жана Ы.Курманалиев көчөлөрүнө жаңы асфальт төшөлдү."- деп билдирди шаар мэри Нуртилек Орозбаев.