Көрүүсү начарлар үчүн версия

Актуалдуу окуялар жана иш-чаралар

УРМАТТУУ КАРА-КӨЛ ШААРЫНЫН ТУРГУНДАРЫ!

Жарыяланган датасы:

31.08.2026

Сиздерди Кыргыз Республикасынын Эгемендүүлүк күнү — 31-август менен чын жүрөктөн куттуктайм!

Эгемендүүлүк — бул жөн гана тарыхый дата эмес. Ал — өз мамлекетибиздин тагдырын өзүбүз аныктоого берилген чоң мүмкүнчүлүк жана ошол эле учурда ар бирибизге жүктөлгөн чоң жоопкерчилик.

Эгемен Кыргызстанды өнүктүрүү, анын туруктуулугун бекемдөө жана келечек муунга күчтүү мамлекет калтыруу — жалпыбыздын милдетибиз. Ал эми шаарды өнүктүрүү, элдин жашоо шартын жакшыртуу, көйгөйлөрдү чечүү жана Кара-Көлдүн келечегин камсыз кылуу — жергиликтүү бийликтин түздөн-түз жоопкерчилиги.

Биздин негизги максат — жасалган иштер менен гана чектелбестен, алдыда турган милдеттерди так аныктап, аларды этап-этабы менен ишке ашыруу. Бул жолдо шаар бийлиги эл менен бирге иш алып барып, ар бир демилгенин артында Кара-Көлдүн тургундарынын кызыкчылыгы турушуна аракет кылат.

Бүгүнкү майрамда өлкөбүздүн тынчтыгын, элибиздин биримдигин жана мамлекетибиздин туруктуу өнүгүшүн каалайм. Ар бир үй-бүлөдө ынтымак, береке жана бакубат жашоо болсун.

Кыргызстандын Эгемендүүлүгү чексиз, элибиздин биримдиги бекем болсун!

Кара-Көл шаарыбыз өсүп-өнүгүп, элибиздин келечекке болгон ишеними арта берсин!

Эгемендүүлүк күнүңүздөр куттуу болсун!

Азамат Турдубеков

Кара-Көл шаарынын мэри

  Кароолор (12)